PROGRAMA
|
Osteguna, 25 - / 18:00etan |
La Fundición |
Bideo programa: 2
Espazioa berrasmatzea eta hari buruz bestelako ikuspegi bat eratzea da hemen
aurkezten ditugun autoreek proposatzen dizkiguten ariketa bisualak eta
koreografikoak. Abiadurak, hiriaren metafora gisa, eta arkitektura espazioak
iradokitako erritmoak definitzen dituzte programaren lehen bi piezak. Horiekin
batera, William Forsythe-en pieza ederra, non dantzariek, Thierry de Me-ren
kameren etengabeko begiradapean, espazioa konposatzen eta deskonposatzen
baitute. Lan hau arkitekturak eta espazioak liluratzen dituen, eta horiek
berreraikitzen dituzten gorputzekin konplize diren bi sortzaileren jeinuak elikatzen
du.
FUCK FOREVER. 2’46’’, 2006, Erresuma Batua. Errealizazioa: Adam Linder
Fuck Forever vmagazine.com sailerako lehen produkzioa da. Adam
Linderrek autoen aparkaleku abandonatu bat okupatzen du lagun
skater batzuekin batera. Dantzari batek beteko du orkestra
zuzendariaren eginkizuna Sonic Youth-en erritmoa lagun.
ALT I ALT. 5’, 2005, Norvegia. Errealizazioa: Torbjorn Skarild. Interpretea: Knut Reinertsen
Eguneko bizitza koreografi segadaz beterik dago. Eskailerak igotzean
egiten dugu koreografia, baita kontsolarekin jolastean, etab. Alt I Alt
lanean, Torbjorn Skarlid errealizadoreak tranpolin-jauzi bat koreografi
artelan bihurtzen du. Muntaia erritmikoak, palankaren girringen
erregulartasunak, puntu altuek eta baxuek,… espazioa eta denbora
tramu simetrikotan zatikatzen dute.
ONE FLAT THING, REPRODUCED. Frantzia 2006 26' Errealizazioa: Thierry de Mey; Koreografia : William Forsythe; Interpreteak: the Forsythe Company; Musika: Tom Willems
One Flat Thing, hedabideek txalotutako Forsythe autorearen obrak
beste lan berri baten sorrera ekarri zuen: One Flat Thing
Reproduced. Antzerkiaren eraketa beren-beregi moldatu zen
filmaketa honetarako: bi kamerak jasotzen dute antzezlana
ikuspuntu desberdinetatik. Emaitza biziki ona da: formen edertasun
estetikoa, mugimenduaren intentsitatea eta alde gizatiarra era
berean. Esperientzia berri honek antzezlan hau publikoari modu
erabat desberdinez, antzez lekutik kanpo, eskaintzeko aukera ematen du.