Madrilgo dantza-konpainiak ibilbide luzea du, eta mundu eszenikoaren bere ikuspegia berezia da. “Natura ikusezinean” oinarritzen da. Bere sormenetan dantza garaikidearen, hiriko dantzaren eta antzerki fisikoaren teknikak elkartzen dira.

Azkeneko sormenak Teatros del Canal izenekoetan estreinatu dira, eta askok sari garrantzitsuak jaso dituzte (Alicia Alonsoren 1. sari iberoamerikarra, Burgosko New Yorkeko Lehiaketaren 1. saria…). Halaber, nazio-mailako eta nazioarteko festibaletan antzeztu dira hainbat erakundek lagundu ostean (“Insecto Primitivo”, “Empusa Poem”, “Shy Blue”, “Pez Esfinge”, “Rarewalk”, “Flightless”, “Entomo”…).

Elías Aguirre diziplina anitzeko artista da: dantzaria, koreografoa, argazkilaria, artista plastikoa eta ikus-entzunezkoen artista. Bere ikuskizunak eta sormen koreografikoak dantza-tailerrekin, erakusketekin, argazkigintzari eta bideo-sormenari buruzko hitzaldiekin, Vallecas Danza lehiaketaren zuzendaritzarekin (5 edizio) eta “Cuerpo Romo” dantza-festibalaren zuzendaritzarekin (7 edizio) bateratzen ditu.