OHARRA: Julian Sicard-en lesioa dela eta, aldaketa dago programazioan. Programatutako Lali Aiguadé eta Julian Sicard-en “Por el camino del otro” pieza, LA VERONAL & LALI AIGUADÉren “Portland” piezak ordezkatuko du.

Lali Ayguade Bartzelonan jaio zen 1980. urtean. 1996an ikasketak hasi zituen Bartzelonako Institut de Teatren, eta urtebete geroago, Anne Teresa de Keersmarker koreografoak Belgikan duen eskolara aldatu zen, PARTS izenekora. 2003an Akram Khan konpainian kide iraunkor gisa onartu zuten, eta ekoizpen hauetan parte hartu zuen: “Kaash, Ma, Bahok” (Txinako Ballet Nazionalarekin batera), “Vertical road” eta “Confluence”. Roberto Olivanekin ere lan egin du (Enclave Dance Company) ”HOMELAND” obran, eta Hofesh Shechter konpainiarekin “In Your Rooms, the Art of not looking back” eta “Cult” ekoizpenetan. 2005ean “Twice READ” ikuskizuna sortu zuen Anton Lachky dantzari eta koreografo eslovakiarrarekin batera. 2007. eta 2009. urteen bitartean formatu txikiagoko obrak sortu zituen Joan Ramon Graell akrobata eta pailazoarekin batera (Bartzelonako zirku elkartearen egungo zuzendaria). 2012an “Little Me” hirukote-lana sortu zuen, Young Jin Kim dantzari korearrarekin eta Joan Català akrobatarekin batera, Mercat de les Florsek antolatutako Salmon jaialdian estreinatu zena. Ramon Llullen urteurrena zela eta, “Encontre” bikote-lana sortu zuen Joan Català eta Jordi Molina musikariarekin batera. 2010ean Londresko Kritika Sarietan dantzari nabarmenenaren sarirako hautagaia izan zen.